Wararka ka imaanaya Itoobiya ayaa sheegaya in weerar jidgal ah lagu qafaashay ugu yaraan 100 ruux oo arday ah, kuwaas oo dhiganayay jaamacad kutaal magaalada Addis Ababa.
Goob joogayaal ayaa sheegay in maleeshiyo hubaysan oo aan weli heybtooda lagaran ay gaari bas ah ka leexsadeen waddada laamiga ah ee marta deegaanka Jerbi Juwaartaasha ee dhacday mandiqadda Shewada waqooyi.
ilo wareedyo ayaa sheegaya in ragga weerarka geystay ay rasaas ku fureen gaariga, balse majirin cid wax ku noqotay rasaasta.
Qaar ka mid ah ardayda oo ay usuurtagashay in ay ka baxsadaan gaariga, islamarkaana qafaalka ka babaaday ayaa ka sheekeeyay qaabkii ay wax udhaceen.
Mid ka mida qaraabada ardayga laqafaashay ayaa warbaahinta u sheegay in kooxaha weerarka geystay ay codsadeen lacago madax furasho ah si ay usii daayaan ardayda.
Lacagta madax furashada ah ee ay kooxahani dalbadeen ayaa lagu sheegay 7,000 oo ah lacagta Birta ee laga isticmaalo dalka Itoobiya.
Hay’adda sheegatay xuquuqul isnaanka dalka Itoobiya ayaa falkan cambaaraysay, waxayna warbixin ay soo saartay ku caddeysay in ardayda la afduubtay ay kasoo jeedeen ismaamulka Amhara.
Wadanka Itoobiya ammaanka ayaa faraha ka baxay, waxaana bil walba lasoo werinayaa weeraro laayaan ah oo ay geysanayaan maleeshiyaadka kasoo jeeda qowmiyadaha Amxaarada,Oromada iyo Tigreega.
About The Author
