Ciidamada gumeystaha Yahuudda ayaa tobaneeyo qof oo Falastiiniyiin ah maanta ku dilay duqayn culus oo dhanka cirka ah oo ay ka gaysteen madaaris kuyaal magaalada Gaza.
Duqaynta oo ahayd mid xooggan ayaa beegsatay laba madaraso oo ay deggan yihiin dad barakacayaal ah oo kuyaal bariga marinka Gaza, waxayna duqayntan daba socotaa duqaymo laayaan ah oo Yahuuddu ku beegnayso barakacayaasha rayidka ah.
Ragga sida firfircoon usoo tabiya dhacdooyinka Gaza, ayaa soo sheegay in duqeymaha Yahuuddu ka gaysteen madaarista kala ah Al-Zahraa iyo Cabdil-fataax Xamuud ee xaafadda Al-Daraj ay sababtay dhimashada 15 ruux iyo dhaawaca 30 kale,dad kale o duqaynta ku waxyeellobay ayaa nolol iyo geeri lagu la’yahay.
Kooxaha difaaca madaniga ah ee ka howlgala Marinka Gaza waxay shaaciyeenin ay u suurtagashay soo saarista meydadka 12 shahiid ka dib markii Yahuuddu duqayn ku beegsatay.
About The Author
