Khasaare kala duwan oo isugu jira dhimasho iyo dhaawac ayaa ka dhashay shil ah oo maanta laga soo tabiyay meel dhanka waqooyiga ka xigta Pakistan, halkaas oo uu ku rogmaday gaari Bus ah oo ay dad saarnaayeen.
Saraakiisha dowladda camiilka ah ee Pakistan waxay sheegeen in bas ay saarnaayeen ilaa 24 qof oo xaflad aroos ku jeeday uu ku dhacay wabi lagu magacaabo Al-sind oo kuyaal waqooyiga Pakistan.
Ilaa 18 xubnood ayaa la xaqiijiyay inay ku dhinteen shilkan, gaariga ku dhacay wabiga ayaa la wariyay in uu kusii jeeday mandiqadda Jaljiil ee dhacda gobolka Punjab.
Dad kale ayaa nolol iyo geeri lagu la’yahay waxaana la helay oo kaliya hal qof oo haween ah, taasi oo dhaawaceeda la dabiibayo, saraakiisha ayaa sheegay inay baadi-goob ugu jiraan dadka la la’yahay.
Si rasmi ah looma sheegin sababta ka dambeysay shilkan, saraakiisha booliska oo arintaas wax laga waydiiyay ayaa ka gaabsaday waxayna ku jawaabeen inaysan wax tafaasiil ah haynin.
About The Author
