Tafaasiil dheeraad ah ayaa kasoo baxaya duqaymo xooggan oo diyaaradaha dagaalka dowladda Riddada ah ee Pakistan ka gaysteen deegaanno dhaca xuduud beenaadka ay la wadaagto Afghanistan.
Duqaymaha oo beegsaday ilaa afar deegaan oo hoos taga degmada Barmal ee wilaayada Paktika ee koonfurta Afghanistan, waxaa ku shahiiday ilaa 46 qof, kuwaas oo ay ku jiraan haween iyo carruur, halka 6 kalena dhaawacyo kala duwan ay kasoo gaareen duqaymahan cadowtooyo.
Afhayeenka Imaarada islaamiga, Sh Dabiixullaahi Mujaahid, ayaa sheegay in duqaymaha wuxuushnimo ee diyaaradaha dagaalka dowlada Ridada Pakistan gaysteen ay sidoo kale burburiyeen tiro guryo ah, dadka halkaa ku shahiiday waxay ahaayeen dad rayid ah oo aan waxba galabsan.
Imaarada islaamiga Afghaanistaan waxay sheegtay inay bixin doonto jawaab celin adag, kana aamusi doonin beegsiga ka dhanka ah dadka muslimiinta ah ee reer Afghan, talloobooyinka ku haboona ay qaadi doonto.
Sawirro lagu faafiyay baraha bulshada ayaa muujinayay caruur ku shahiiday xasuuqa cusub ee ay Pakistan ka gaysatay xuduud beenaadka ay la leedahay dalka Afghanistan.
Xasuuqan ay gaysteen diyaaradaha dowladda Riddada Pakstan ayaan ahayn midkii 1-aad, waxaana xusid mudan inay horey u beegsadeen deegaanno ka tirsan wilaayaadka Paktika iyo Khost, waxayna Imaaradu xilligaas bixisay jawaab celin ka dhan ah ciidamada murtadiinta ah ee Pakistan, iyaga oo madaafiic ku garaacay xarumaha ciidanka Pakistan ee ku teedsan xuduudka Afghanistan.
About The Author
