Inta la xaqiijiyay ugu yaraan saddex qof ayaa ku dhintay, halka xubno kalena ay dhaawacyo soo gaareen kadib markii shil xooggan laga soo calaamadiyay meel u dhow magaalada Boosaaso ee xarun goboleedka gobolka Bari.
Shilkan gaari ayaa si gaar ah uga dhacay dalcadda Dureera ee dhacda duleedka magaalada Boosaaso, kaddib markii ay isku dhaceen laba baabuur oo halkaasi ku socdaalayay.
Ilo wareedyo maxalli ah ayaa xaqiijiyay in marka laga soo tago dhimashada 3-da qof, sidoo kale shilkaasi gaari ay ku dhaawacmeen shan xubnood oo kale, kuwaas oo dhaawacyadooda loo qaaday xarumo caafimaad.
5-tii bishan May ayay ahayd markii shil xooggan uu ka dhacay waddada dheer ee isku xirta magaalooyinka Berbera iyo Hargaysa ee dhaca waqooyiga Soomaaliya, halkaas oo ay ku dhinteen saddex xubnood, halka saddex kalena ay ku dhaawacmeen.
About The Author
