Mid ka mid ah saraakiisha madaxtooyada kooxda Riddada Soomaaliya ayaa maanta ku dhawaaqay in uu iska casilay xilkii uu ka hayay xarunta Villa Soomaaliya, xilli uu jiro khilaaf ka dhex taagan madaxda murtadiinta.
Murtad C/qaadir Cali Dige oo murtadiinta ugu magacownaa agaasimaha warfaafinta ee madaxtooyada Muqdisho ayaa si rasmi ah u shaaciyay in uu ka tagay xilkii uu ka hayay xarunta looga arrimiyo murtadiinta.
Qoraal uu soo daabacay ayuu C/qaadir Dige ku shaaciyay iscasilaaddiiisa, wuxuuna muujiyay in uu jiro khilaaf xooggan oo dhanka hoggaanka ah, isaga oo tilmaamay in habdhaqanka madaxdaasi Riddada ah uu yahay mid ku dhisan danaysi oo kaliya.
Iscasilaadda murtadkan ayaa kusoo beegantay xilli maanta dagaallo xooggan oo u dhaxeeyay laba maleeshiyo ay ka dhaceen xaafado ka tirsan magaalada Muqdisho, kaasi oo u dhaxeeyay maleeshiyo taabacsan Xassan Gurguurte iyo kuwa kasoo hor jeeda.
Dagaallada oo ka dhacay xaafado ku dhow isgoyska Ex-Control Afgooye magaalada Muqdisho, ayaa salka ku hayay ka hortagga burburin ay waday kooxda Riddada ah, taasi oo lagu eedeeyay in dhul dan guud ah ay xaraashanayso.
Khasaare kala duwan ayaa lasoo sheegay inay ka dhasheen dagaalladii Muqdisho ku dhexmaray labada maleeshiyo ee murtadiinta ah balse kala taabacsanaa Gurguurte iyo kuwa kasoo horjeeday burburinta halkaas ka socotay.
About The Author
