Waxaa soo gaba gaboobay weerarkii aadka u xooganaa ee saaka aroortii hore ka bilaawday saldhigga Melleteri ee Simba Camp kaasi oo ku yaal gacan Manda Bay ee gobolka Lamu dalka Kenya.
Bayaan kasoo baxay xafiiska warfaafinta Al Shabaab ayaa lagu faah faahiyay khasaara hantiyadeed iyo midka maaliyadeed ee ka dhashay weerarka oo qaatay wax ka badan 10 saacadood xiriir ah.
Al Shabaab waxay sheegtay in weerarka ay ku dishay 17 askari American ah iyo 9 katirsan melleteriga Kenya ee (KDF) loo yaqaan, tirada diyaaradaha lagu burburiyay weerarka ayay Al Shabaab ku sheegtay 7 diyaaradood iyo in kabadan 5 gaari oo kuwa melleteriga ah.
Bayaanka kasoo baxay Al Shabaab waxaa lagu xaqiijiyay in qeyb weyn oo kamid ah saldhigga Simba ee gobolka Lamu uu ku gubtay weerarkii maanta dhacay, sidoo kale bayaanka waxaa lagusoo hadal qaaday sida gabi dhaclaynta ah ee taliska ciidanka Mareykanka Afrika uu uga hadlay weerarkii maanta dhacay.
About The Author
