Warar dheeraad ah ayaa kasoo baxaya Raadaar uu maamulka Riddada ah ee Imaaraadka Carabtu uu si qarsoodiya ugu rakibay meel u dhow gegida diyaaradaha Boosaaso ee xarunta gobolka Bari, sida lagu muujiyay sawirro uu qaaday dayax-gacmeedku oo ku taariikhaysan Maarso 2025.
Tallaabadan oo markii u horeysay ay shaaciyeen ilo militari, ayaa dhalisay su’aalo ku saabsan ujeedada dhabta ah ee Imaaraadku ka leeyahay dhaqdhaqaaqan milatari ee uu ka wado deggaankan oo ka mida dhulka uu ka arrimiyo maamulka ashahaado-la-dirirka ah ee Puntland.
Ilo-wareedyo ayaa sheegaya in Raadaarkan oo laga keenay Yahuudda, lana rakibay horraantii sannadkan, ay ka mid yihiin waxyaabaha loogu talo-galay difaaca weerarrada diyaaradaha aan duuliyaha lahayn ama gantaallada ee laga soo gani karo dalka Yaman, oo dagaallo ay kaga jiraan Yahuudda iyo Maraykanka.
“Imaaraatka Carabta ayaa raadaar milateri geysay gobolka Puntland ee Soomaaliya horaantii sanadkan si uu uga ilaaliyo garoonka Boosaaso weerarada suurta-galka ah ee Xuutiyiinta Yemen…” ayuu yiri Mete Sohtaoğlu oo ah suxufi u dhashay Turkiga kuna takhasusay arrimaha Bariga Dhexe iyo siyaasadda caalamiga ah.
Maamulka Abu Dhabi ayaa sidoo kale lagu soo waramayaa in garoonka diyaaradaha ee Boosaaso ay u adeegsado gaarsiinta sahayda maleeshiyaadka calooshood-u-shaqaystayaasha RSF, kuwaas oo ku dhawaad muddo labo sanno ah dagaal kula jiray ciidanka millateriga Suudaan.
Xogta ayaa intaas ku daraysa in diyaarado waaweyn oo kuwa xamuulka qaada ah ay si joogta ah magaalada Boosaaso uga daabuli jireen hub iyo saanado kale, iyadoo mararka qaarna la arkayay ilaa shan shixnadood oo waaweyn, kuwaas oo gaarsiin jiray maleeshiyaadka Dacmu Sariic oo xasuuq ba’an ka geystay dalka Suudaan.
Heshiis laga qariyey baarlamaanka dawaaqiidda Puntland ayay wararku tibaaxayaan in ay kala saxiixdeen madaxa maamulkaasi Murtad Saciid Cabdillaahi Deni iyo maamulka Abu Dhabi, waxaana tallaabooyinkan si cad uga aamusay oo ilaa hadda aan soo hadal-qaadin madaxa kooxda Villa Soomaaliya murtad Xasan Gurguurte.
About The Author
