Warsaxaafadeed goordhow kasoo baxay xafiiska warfaafinta Mujaahidiinta ayaa lagu faahfaahiyay weerar kammiin ah oo maanta si ba’an loogu xasuuqay maleeshiyaadkii Riddada ee dhowaan laga keenay waddanka Eritrea, kuwaas oo falal lagu dhibaatayn lahaa shacab muslimiin ah ka waday deegaanno dhaca wilaayada Sh/dhexe.
Warka kasoo baxay Mujaahidiinta waxaa lagu sheegay in kamiinkaasi uu yimid ka dib markii ay maleeshiyaadka isku dayeen inay dhibaateeyaan muslimiinta ku dhaqan dhulka baadiyaha ah ee ku xeeran deegaanka Daaru-nicma ee ka tirsan wilaayada Sh/dhexe, taas oo keentay inay Mujaahidiintu weerar kala hor tagaan maleeshiyaadka Riddada, khasaare culusna dhabarka u saaraan.
Hoos Ka Akhriso Warsaxaafadeedka Mujaahidiinta.
“Ciidamada Mujaahidiintu waxay saakay oo Axad ah kamiin u dhigeen ciidamo murtadiin ah oo ku socdaalayay duleedka deegaanka Daaru-nicma ee Wilaayada Shabeellaha Dhexe. Ciidankaan oo kamid ahaa murtadiintiii dhawaan laga keenay wadanka Eritrea ayaa damacsanaa inay dhibaatooyin u geystaan dadka Muslimiinta ah ee ku dhaqan dhulka baadiyaha ah ku xeeran tuulada Daaru-nicma, balse waxaa dagaal kala hortegay ciidamada Mujaahidiinta oo la socday dhaqdhaqaaqooda.
Mujaahidiintu waxay -Allaah fadligiis- jab lixaad leh u geysteen ciidamadii murtadiinta ahaa, waxaana jira khasaare dhimasho iyo dhaawac oo cadawga soo gaaray. Sidoo kale waxaa jira hub iyo saanad ciidan oo laga qaniimaystay murtadiinta.
Tirada dhimashada ciidamadaas ridada ah, inta aan ilaa hada xaqiijinay, waa 29 askari, kuwaas oo 6 kamid ah, oo uu ku jiro taliyihii hogaaminayay ciidankaas, ay maydadkooda goobta uga carareen, Mujaahidiintuna gacanta ku dhigeen”.
Halkan Ka Degso Warsaxaafadeedka Mujaahidiinta Oo Dhamaystiran.
About The Author
