Cabdi fitaax Qaasim oo ah xildhibaan ka tirsan baartalaamka DF ayaa warbaahinta u sheegay in xarakada Al-Shabaab ay dalbatay wadahadal xilli uu ka jawaabayay su’aal ay saxaafada Muqdisho ka waydiisay dagaalkii shalay lagu jebiyay ciidamada DF ee ka dhacay deegaanka Hilowle-Gaab ee Wilaayada Shabeellada Dhexe.
Shabakada Wararka SomaliMeMo oo raad-raac ku samaysay hadalka xildhibaanka ayaa ogaatay in hadalkaasi uu yahay mid aan sal iyo raad toona lahayn isla markaana aysan jirin wax wadahal ah oo ka dhexeeya Al-Shabaab iyo DF.
“Ma aanan arkin hadalka aad sheegeyseyo ee kasoo yeeray ninka ka tirsan baaralamaanka ridada, balse waxaan kuu xaqiijinayaa inaysan jirin wax wadahal ah oo naga dhexeeya ama naga dhaxayn kara anaga oo Mujaahidiinta ah iyo kooxda ridada ee dabadhilifka u ah gaalada caalamiga ah” Sidaas waxaa SomaliMeMo u sheegay sarkaal ka tirsan xafiiska warfaafinta Al-Shabaab.
Sarkaalkan ka tirsan xafiiska warfaafinta Al-Shabaab ayaa meesha ka saaray suurtagalnimada wadahadal dhexmari kara Jihaadiyiinta iyo maamulka villa Soomaaliya, wuxuuna ku tilmaamay hadallada noocaas oo kale ah ee kasoo yeera masuuliyiinta DF mid ay niyada iskugu dhisayaan.
Xigasho Somalimemo
About The Author
