Warbixin ciwaan looga dhigay “ Go’doominta Al-Shabaab ee magaalada Muqdisho” ayaa daaha ka rogtay, in Xarakada Mujaahidiinta Al-Shabaab ay qaadatay istiratiijiyad halis badan, oo ka dhigan burburka kooxda uu hoggaamiyo Gurguurte iyo in magaalada caasimadda ah ay si fudud ula wareegto Xarakada Mujaahidiinta Al-Shabaab.
Warbixintan oo lagu baahiyay kanaal Youtube ah oo lagu magacaabo War-fronts kana faallooda arimaha dagaallada, ayaa sheegay in Xarakada Mujaahidiinta Al-Shabaab ay qarka u saarantahay inay go’doomiso magaalada Muqdisho, lagana yaabo in waqtiyada nasoo aadan ay si fudud kula wareegto caasimadda.
Warbixinta waxaa lagu yiri: “ Dowladda Soomaaliya ee caankana ku ah fashilka dhinacyada badan leh, ayaa qarka u saaran iney burburto, xaalkeedana maahan mid aad loogala socdo dunida, Xarakada Jihaadiga ah ee Al-Shabaab ayaana tan iyo bilowgii sanadkan 2025-ka waxay u muuqataa mid ku guuleysaneysa dagaalka”.
Iyadoo sii socota waxay warbixintu sheegtay in bilihii lasoo dhaafay ay Xarakada Mujaahidiinta Al-Shabaab qaaday silislado weeraro abaabulan, oo ka dhacaya koonfurta iyo bartamaha Soomaaliya, kuwaasoo ay ku xaqiijisay guulo muhiim ah, lagana yaabo in dagaalkeeda uu ka dhasho iney si fudud kula wareegto magaalada Muqdisho.
Sida warbixinta lagu sheegay, kooxda ridada ayaa sanadkii 2022-ka, waxay ku dhawaaqday dulaan milliteri oo ka dhan ah Xarakada Mujaahidiinta Al-Shabaab, iyadoo taageero ka heleysa ciidamada saliibiyiinta ah iyo dowladdaha ridada ah ee kala duwan iyo diyaaradohooda dagaalka, laakiin duullaankaas kuma guuleysan wayna ku fashilantay, wax welibana waxay u muuqdaan kuwa dib isku soo celiyay, sida warbixinta lagu sheegay.
“ Istiraatiijiaydda dagaal ee Dowladda ayaa gebi ahaanba burburtay bishii Febraayo sanadkan 2025-ka, kadib markii Xarakada Al-Shabaab soo qaaday weerar hillaaca oo kale ah, iyadoo adeegsaneysa xeelado milliteri oo ay kamid tahay weerarada tooska ah, iyo qaraxyada gawaarida lagu soo raro” ayaa lagu yiri warbixinta uu baahiyay kanaalka War Fronts.
Mid kamid ah weeraradii ugu saameynta badnaa ee ay Xarakada Mujaahidiinta Al-Shabaab fuliso waa weerarkii Aadan Yabaal ee dhacay bishii April, kaasoo ay warbixintu ku tilmaamtay inuu ahaa mid cagta lagu mariyay kumanaan askari oo katirsan maleeshiyaadka kooxda ridada, laguna jaray wadadii xiriirineysay Muqdisho iyo furimaha Shabeellaha Dhexe iyo Hiiraan.
“ Hadda Muqdisho waa mid dhinac walba laga fadhiyo wadooyinka soo gala, Al-Shabaab waxay adeegsanayaan istiraatiijiyad aan degdeg ku saleysaneyn hase ahaate halis badan, iyagoo Muqdisho u joogteeyay weerarada duqeymaha ah iyo qaraxyada” ayay leedahay warbixinta cusub.
Sida ay warbixintu tilmaameyso, Xarakada Mujaahiinta Al-Shabaab waxay si xeelad iyo feejignaan leh u fulineysaa istiraajiyadeeda, hada waxay billowday iney beegsato xarumaha ciidamada lagu diiwaan geliyo, duqeymaha waxay ku beegsanayaan xarumaha Muhiimka ah ee Muqdisho, kolonyadii madaxweynaha ayaa weerar lala beegsaday.
Dhinaca Maleeshiyaadka kooxda ridada ayay warbixintu tilmaameysaa iney gebi ahaanba burbureen, sababo ku aadan musuqmaasuqa ku dhex baahay iyo iyagoo aan heysanin maalgelin rasmi ah, waxayna ku tilmaamtay inaaney xitaa awoodin iney dib ugu laabtaan goobihii lagala wareegay ee muhiimka ahaa.
“ Go’doominta Muqdisho waxay sababtay burbur wadareed ah oo xaga nafsiga ah oo gaaray ciidanka, sababo ku aadan ciidamada iyo masuuliyiinta oo kasoo firxaday furimaha, waxay Dowladda mareysaa halkii ugu hooseysay niyad jabka intii ay jirtay, ciidanka badankoodna waxay dagaalka ka door bidayaan iney dalka dibadiisa u baxsadaan oo ay tahriibaan ayay leedahay warbixinta uu baahiyay kanaalka War Fronts.
Dhinaca dowladaha saliibiyiinta ah ee qeybta ka ah duullaanka saliibiga ah ee lagu soo qaaday Soomaaliya, waxay warbixintu tilmaameysaa iney u jeedaan xaaladda iney ku socoto si aan u wanaagsaneyn kooxda ridada, laakiin waxay ka badin la’yihiin inta ay xilligan qabteen oo ay kamid tahay duqeymaha, “ inkastoo dowlad weliba is dib dhigeyso, hadana majirto cid ku faraxsan in wixii Kaabul ka dhacay markale la arko” ayay leedahay warbixinta.
Marka laga hadlayo siinaariyoohaatka la filayo waxaa kamid ah sida ay warbixintu tilmaameyso, iney guuleysato istiraatiijiyadda Al-Shabaab ee la xiriirta in Muqdisho gudaha laga furfuro, taasina ay keeneyso in si fudud oo dhibyar ay Al-Shabaab u galaan albaabada Muqdisho.
Warbixintan lagu baahiyay kanaalka War Fronts ee ka faallooda arimaha dagaallada iyo dalalka ay colaaduhu ka jiraan oo ku baxeysay luqada Inglishka ayaa ku biireysa, warbixinno kala duwan oo waayadii lasoo dhaafay baahinayeen warbaahinta reer galbeedka iyo kuwa gobolka, kuwaasoo dhamaantooda isku raacay suurtogalnimada in mardhow la arko iyadoo Muqdisho ay ka talineyso Xarakada Mujaahidiinta Al-Shabaab.
Xigasho Radio Al-furqaan.
About The Author
