Wararka ka imaanaya Afghanistan ayaa ku bishaaraynaya in ciidamada Imaarada Islaamiga ah ay si buuxda ula wareegeen gacan ku haynta magaalada caasimadda ah ee Kaabuul.
War rasmi ah oo kasoo baxay imaarada ayaa lagu sheegay in ciidamadeedu ay gudaha ugaleen qasriga madaxtooyada ayna xaqiijiyeen sugidda ammaanka 11-ka degmo ee ay Kaabuul ka koobantahay.
Dabaaldegyo ayaa ka bilaawday wadanka oo idil, Calanka Towxiidka ayaa laga suray fagaarayaasha waaweyn ee Kaabuul, sawirro ay baahisay Imaarada ayaa muujinayay mujaahidiinta oo ku roondaynaya xaafadaha Kaabuul iyadoona noloshu si caadi ah kusoo laabatay.
Waa 20 sano oo halgan jihaad ah kadib oo guushii muslimiinta reer Afghanistan ay xaqiiqoowday, madaxdii dabadhilifyada ee Taangiyada Mareykanka lagu keenay iyo boqolaalkii kun ee ciidamadii shisheeye ayaa iyagoo jabay dalka isaga cararay.
Hoos Ka Daawo Sawirrada.
About The Author
