Qarax xooggan oo ciidamada Mujaahidiintu maanta ka fuliyeen wilaayada Sh/hoose waxay la beegsadeen gaari ay la socdeen maleeshiyaadka uu Maraykanku tabobartay ee loo yaqaan Baangaraafta. xilli ay ku socdaalayeen deegaanno ka tirsan Sh/hoose.
Qaraxa oo si gaar ah kaga dhacay inta u dhaxayso Leego iyo Yaaqbariweyne oo ka tirsan wilaayada Sh/hoose waxay ciidamada Mujaahidiintu la beegsadeen gaari nooca Cabdibile ah oo ay ka buuxeen maleeshiyaadka Riddada Danab. waxaana inta la xaqiijiyay qaraxaasi ku dhintay 3 askari oo ka tirsanaa maleeshiyaadka Riddada Baangaraafta halka gaarigii ay la socdeenna uu goobta ku burburay.
Dhanka kale qarax culus ayaa lala beegsaday gaari Cabdibile ah oo ay wateen maleeshiyaadka Riddada kaas oo kasoo baxay dhanka deegaanka Birta Dheer kuna sii jeeday deegaanka Baarsanguuni. waxaana la xaqiijiyay in gaarigaas iyo wixii askar ahaa ee la socdayba ay goobta ku wada basbeeleen.
Dhanka duleedka degmada Jalalaqsi ee wilaayada Hiiraan waxa maanta ka dhacay dagaallo culus oo dhowr jeer lagu jabiyay maleeshiyaadka Riddada. dagaallada oo ahaa kuwa dhowr jeer la isku soo noqnoqday si xunna loogu jabiyay maleeshiyaadka murtadiinta waxay Mujaahidiintu xaqiijiyeen inay ku dileen siddeed askari oo murtadiin ah kuwaas oo qaarkood ay maydadkoodu yaallaan goobihii lagu dagaallamay, halka ay dagaalladan ku dhaawacmeen 7 kale oo isla murtadiinta ka mid ah.
About The Author
