Khasaara dhimasho iyo dhaawac leh ayaa ka dhashay weerar hubaysan oo markale ay xoogag jihaadi ah ku qaadeen ciidamo ku sugnaa afaafka hore ee degmada Balcad gobolka Sh/dhexe.
Wararka ka imaanaya Sh/dhexe ayaa sheegaya in ugu yaraan 1 askari uu dhintay 2 kalane ay dhaawacyo soo gaareen kadib markii weerar xooggan lagu qaaday Koontaroolka laga galo degmada Balcad.
Dadka deegaanka ayaa sheegay in ay maqlayeen hugunka rasaas ay labada dhinac isweydaarsanayeen, war kooban oo Al Shabaab kasoo baxay ayay ku sheegtay in ciidamadoodu markii ay weerarka fuliyeen ay si nabad gelya ah dib ugasoo gurteen Balcad.
Weerarkan ayaa kusoo aadaya xilli sidoo kale ciidamada Mujaahidiinta ay dagaal toos ah ku qaadeen saldhiga Saliibiyiinta Kenya ay ka sameysteen deegaanka Cabdalle Biroole ee duleedka magaalada Kismaayo, Waxaa dagaalkaas khasaara kala duwan lagu gaarsiiyay askarta Kenya.
About The Author
