Khasaare lixaad leh ayaa ciidamada dowladda federaalka lagu gaarsiiyay dagaallo culus oo maanta ka dhacay deegaanka Qeycad ee dhaca duleedka degmada Bacaadweyne ee wilaayada Mudug.
Dagaallada oo ahaa kuwa ay hoggaankiisu hayeen saraakiisha ciidanka shabaabul Mujaahidiin waxaa uu ka dhacay saldhigga ciidamada dowladda Ridada ay ka samaysteen deegaanka Qeycad halkaas oo lagu soo afjaray maleeshiyaad maalmihii lasoo dhaafay dhaqdhaqaaqyo ciidan ka waday koonfurta gobolka Mudug.
Ilo wareedyo masuul ah oo laga helayo deegaanka Qeycad waxay xaqiijiyeen in ciidamada xarakada Mujaahidiinta Al-shabaab ay cagta mariyeen guud ahaan saldhigga ciidanka maleeshiyaadkii ku sugnaana ay u qaybsameen kuwa la laayay iyo kuwa firxaday.
Macluumaadkii ugu dambeeyay waxay sheegayaan in dagaaka ka dhacay deegaanka Qeycad lagu dilay 30 xubnood oo isugu jiray askar iyo saraakiil sare oo ka tirsananaa maleeshiyaadka Ridada.
Ilo wareedyadu waxay intaas ku darayaan in labaatan ka mid ah maydadka saraakiisha iyo askarta ay dul istaageen ciidamada shabaabul Mujaahidiin kuwaas oo goobta looga cararay.
Hoos Ka Akhriso Magacyada Qaar Ka Mid Ah saraakiisha Galabta Lagu Laayay Qeycad.
1- Cali Diini oo ahaa taliyii hore saldhiga degmada C/Casiis haddana ahaa sargaal ka tirsan Police maamulka Galmudug.
2- Xirsi Cali Shiri Taliyaha Mariniska Galmudug nolosha ayaa lagu qabtay,waxaa laga qaatay Bastoolado, qori iyo baabuur ka dibna mujaahidiinta ayaa bartii ku toogtay.
3- Maxamed Cali Salaad oo ahaa taliye Ururka Horseed ciidamada Daraawiishta Galmudug waa la dilay.
4- Taliye ku xigeenkii Ururka Horseed Daraawiisha Ciire Hirsige waa la dilay.
Saraakiishan kor ku xusan dhammaantood waxaa maydadkooda dul istaagay ciidamada shabaabul Mujaahidiin saaxiibadoodiina fagaaraha dagaalka ayay ku cidleeyeen.
Gaadiidka dagaalladan lagula wareegay waxay ahaayeen 3 gaari oo ka mid ah uu lahaa dagaal huriye Cabdi Xasan Cawaale oo horay usoo noqday taliyihii booliska dowladda federaalka gaariga Cabdiqaybdiid waxaa ku xidhnaa qori dhuun Shilke ah markii ay Mujaahidiintu la wareegeen ka dib waxay ilo wareedyadu xuseen in la gubay, labada gaari ee kale waxay ahaayeen noocyada raaxada.
Xaaladda goobihii lagu dagaallamay hadda waa mid daggan waxaana goobaha lagu dagaallamay ku sugan ciidamada shabaabul Mujaahidiin.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
