Xaalad jiha wareer ah ayaa lagasoo sheegayaa magaalada Jowhar ee xarunta gobolka Shabeelaha dhexe kadib markii ciidamo katirsan maamulka magaalada ay boobeen raashin gargaar.
Wararka ka imaanaya Jowhar ayaa sheegaya in mid kamida ciidamada maamulka ‘Hirshabelle’ uu toogasho ku dilay qof shacab ah xilli ciidamadu boobabayeen raashin gargaar oo loogu talagalay dadka barakacayaasha ah.
Goob joogayaal ayaa sheegay in ciidamada maamulka ay boobeen raashin gargaar ah oo dowladda Cummaan ugu talagashay in loo qeybiyo dadka tabaalaysan.
Xasan Maxamed Xasan oo kamid ahaa dhalinyarada magaalada Jowhar ayaa la xaqiijiyay in mid ka mid ah ciidamadii halkaas ku sugnaa uu si ulakac ugu dhuftay rasaas isagoo isla goobta uu ku geeriyooday.
Rasaas xooggan oo ay furayaan maleeshiyaadka maamulka ‘Hirshabelle’ ayaa shalay laga maqlayay gudaha Jowhar, maleeshiyaadka ayaa dhac iyo boob xooggan ka wada xaafadaha magaalada.
Ma ahan markii ugu horraysay oo ciidamada maamulka dabadhilifka ah ay dad shacab ah ku dilaan degmooyinka iyo deegaannada gobolka Sh/dhexe.
About The Author
