Wararka ka imaanaya koonfurta dalka Kenya ayaa sheegaya in shil culus oo khasaare dhaliyay uu ka dhacay wadada dheer ee isku xirta magaalooyinka Nairobi iyo Nakuru ee koonfurta waddankaas, halkaas oo ay ku dhiteen laba qof oo midi uu yahay Baadari Kenyaan ah.
Warbaahinta maxalliga ah ee Kenya ayaa sheegtay in shilkaasi oo ka dhacay inta u dhaxayso Nairobi iyo Nakuru uu gallaaftay nolosha dad badan oo Kenyaan ah,kaddib markii ay isku dhaceen laba baabuur oo waddadaasi marayay.
Shilkan ayaa si gaar ah kaga dhacay meel u dhow xarunta Kinungi ee magaalada Naivasha ayaa lasoo wariyay in uu u dhaxeeyay shan gaari, waxaana marka laga soo tago dhimashada baadariga iyo qof kale halkaasi ku dhaawacmay in ka badan 20 ruux oo ay ku jiraan saddex caruur ah oo aan qaan gaarin.
Dad goobjoogeyaal ah ayaa sheegay in shilka uu yimid kaddib markii gaari nooca xamuulka ah uu jiiray gaariga kale ee uu watay baadariga Kenyaanka ah, kaddibna waxa uu gaarigaasi ku dhacay gaadiid kale oo dhoobnaa, halkaas oo uu ka dhashay khasaaraha ugu badan.
Dhanka kale shil xooggan ayaa laga soo sheegayaa inuu ka dhacay waddo wayn oo isku xirta Nakuru iyo Eldoret oo ka tirsan dalka Kenya, sawirro lasoo qaaday ayaa muujinaya gaadiid aad u badan oo lagu arkayo waddada weyn ee isku xirta magaalooyinka Nakuru iyo Eldoret ka dib markii uu shil gaari galay booyad, booyaddan ayaa ku rogmatay deegaanka Nyaja, waxaana la arkayay gaadiid badan oo ku xayiran waddadaasi.
About The Author
