Francis, oo ahaa Baadarigii ugu weynaa ee kiristanka aduunkana ahaan kii ugu horreeyay ee kasoo jeeda Laatiin Ameerika ee taariikhda Kaniisadda Katooliga ee Rooma, ayaa halaagsamay isagoo 88 jir ah, sida uu ku dhawaaqay Vatican-ka Isniintii.
Nin lagu magacaabo Kardinaal Kevin Farrell ayaa ka sheegay telefishinka Vatican-ka in Pope-ka uu geeriyooday 7:35 subaxnimo, isagoo yiri: “waxaan si murugo leh idinla wadaagayaa in Baadarigeennii, Francis, uu saakay geeriyooday.”
Baadarigan ayaa dhowaan kasoo baxay cisbitaal uu ku jiray muddo 38 maalmood ah, halkaas oo lagu daweynayay caabuq daran oo sambabada ah. sida ay sheegtay warbaahinta Reuters.
Xogta ayaa sidoo kale tibaaxaysa in maalin ka hor geeridiisa, uu kasoo soo muuqday fagaaraha St. Peter’s isagoo salaamayay kumannaan dad ah oo u dabaaldegayay ciid-gaalleed lagu magacaabo Iister.
Pope Francis, oo magaciisa dhabta ah yahay Jooorje Maariyo bergoogliyo, ayaa bishii Maarso 2013 noqday hoggaamiyaha ugu sarreeya ee Kaniisadda Katooliga, isagoo kasoo jeeda magaalada buenos ayris ee dalka Argentina. Waxaanu ahaa Baadarigii ugu horreeyay ee Maraykan ah.
Saacado kaddib markii uu halaagsamay baadariga gaalada adduunka ayuu mid ka mida maamullada dabadhilifyada Soomaaliya si yaab leh uga hadlay arrinkaas isagoo muujiyay gacaltooyada ka dhaxeysa.
Wasiirka Arrimaha dibadda maamulka ashahaada la dirirka ah ee Somaliland ayaa bartiisa X, kusoo qoray dhambaal tacsiya oo ku aaddan dhimashada baadariga Pope Francis, oo uu xusay inay aad uga murugoodeen.
“Waxaan si qoto dheer uga murugoonnay markii aan maqalnay geerida Pope Francis…” ayuu yiri murtad C/Raxmaan Daahir Bakaal.
Wuxuu sidoo kale dhambaalkiisa tacsida ah ku yiri “Waxaan u direynaa duco iyo tacsi tiiraanyo leh Kaniisadda Roman Catholic iyo bulshada Katooliga ee caalamka oo dhan”
Sidoo kale wasiirku waxa uu ka dhawaajiyey inay sii amba-qaadi doonaan, isla markaana ay fulin doonaan dhaqan-gelinta dhaxalkii uu ka tagay baadarigani. Isagoo xusay inuu ahaa hoggaamiye ku dayasho mudan.
“Dhaxalka Pope Francis ee ku dhisan adeega iyo u heellanaanta bani’aadannimada wuxuu sii ahaan doonaa hagaha iyo dhiirrigelinta aan ku soconno.” Ayuu yiri wasiirka arrimaha dibadda Somaliland.
About The Author
