Wararka ka imaanaya magaalada Saylac ee dhacda waaqooyiga Soomaaliya, ayaa sheegaya in badda magaaladaasi marta ay kusoo fatahday xaafado ka tirsan magaalada.
Sawirro iyo muuqaallo lagu faafiyay baraha bulshadu ku wada xiriirto ayaa muujinayay biyaha badda oo soo galay xaafadaha magaalada Saylac, dadka deegaanka ayaa muujiyay cabsi xooggan, maadaama qaarkooda ay noqdeen hoy la’aan.
Mid ka mid ah dadka deegaanka oo muuqaalkiisu ku baahiyay baraha kala duwan ee Internet-ka ayaa sheegay inaysan helin wax gurmad ah, maamulkii Riddada Somaliland ee ka dhisnaa magaaladaasi uu sheeda sare ka daawanayo xaaladda taagan.
Masuuliyiin ka tirsan maamulka ashahaada la dirirka ee Somaliland oo hadlay waxay sheegeen in fatahaadda ay baddu ka samaysay magaalada Saylac aysan ahayn mid ku cusub deegaanka, hase ahaatee sannadkiiba mar la arki jiray, dhacdadan cusub ayayse ku sheegeen inay ka xoog badnayn kuwii hore.
Waxay sidoo kale tilmaameen in fatahaadda baddu sameysay laga diiwaan geliyay deegaanno iyo degmooyin kale oo ka tirsan waqooyiga Soomaaliya iyo xitaa dalka Jabuuti.
Ilaa iyo hadda lama sheegin sababta rasmiga ah ee keentay in baddu soo gasho magaalooyin dhaca waqooyiga Soomaaliya.
About The Author
