Wadeyaasha moota bajaajta ee ka howlgala degmada Gaalkacyo ee xarunta gobolka Mudug, ayaa dhigay isku soo baxyo ballaaran oo ay kaga cabanayaan lacago baad ah oo uu kusoo rogay maamulka ashahaada la dirirka ah ee Puntland.
Wadeyaasha oo isugu soo baxay suuqa waqooyi ee magaalada Gaalkacyo, ayaa sheegay in maamulka magaaladaasi ugu magacaaban maamulka isku magacaabay Puntland uu amar ku bixiyay inay bixiyaan lacago dheeraad ah, taasi oo aysan awoodin.
Waxay warbaahinta u sheegeen in maamulka magaaladaasi uu amar ku bixiyay in wade kasta oo mooto bajaaj ah laga doonayo in uu bil walba bixiyo lacag dhan 15 dollar oo baad ah oo aysan awoodin.
Muuqaallo laga soo duubay dibadbaxayaasha ka caraysan amarka cusub ee lacagaha baadda ah uu ku uruursanayo maamulka Riddada ah ee Puntland ugu magacaaban Gaalkacyo, ayaa muujinayay maleeshiyaad hubeysan oo rassaas la dhacaya dadka rayidka ah.
Dhanka kale, guddoomiyaha degmada Gaalkacyo ee maamulka ashahaada la dirirka ee Puntland, murtad Xasan Jaamac ayaa dhankiisa u hanjabay wadeyaasha mooto bajaajta, isagoo ugu goodiyay wadeyaasha haddii ay ka dhaga adeegaan fulinta amarkaasi uu xabsiga dhigi doono.
About The Author
