Wararka ka imaanaya Kenya waxay sheegayaan in howlgallo hor leh oo ka dhan ah muslimiinta dega gobolka xeebaha ay bilaawdeen inkastoo xukuumaddu aysan ku dhawaaqin hadane dadka deegaanka ayaa sheegaya in ay jiraan howlgallo cadawtooyo.
Ciidanka sirdoonka Kenya iyo kuwa qaabilsan ladagaallanka waxa loogu yeero Argagaxisada ayaa xoog ku galay Masjid kuyaal Koonfurta magaalada Mombaasa waxayna ka xireen illaa 100 qof muslimiin ah.
Goob joogayaal ayaa sheegay in saraakiil caddaan ah oo loo maleynayo in ay yihiin mareykanka ay howlgalka qeyb ka ahaayeen waxayna gudaha ugaleen dhowr kamid ah masaajidda Mombaasa iyo malcaadamado qur’aanka lagu barto, waregyska Daily Nation ee kasoo baxa Kenya oo soo xiganaya dadka deegaanka ayaa sheegay in dad badan lagu guray gaadiidka shabaqlayaasha.
Haweenay diiday in sababa ammaan aawgeed aan magaceeda loo adeegsan warbaahinta ayaa sheegtay in tobaneeyo kamid ah howlwadeennadda masaajidda iyo macalimiin dugsi qur’aan lala’yahay halka ay jaan iyo cirib dhigeen.
Ciidamo wajiyadu uduubanyihiin ayaa xilli saqdhexe ah guryaha ugu dhacay dadka lala’yahay waxaana larumeysanyahay in lagu hayo saldhigyo qarsoodi ah oo ciidamada GSU-da iyo kuwa PITU-da ku leeyihiin magaalooyin Kenya lagu hayo dadkaas oo su’aalo laweydiinayo.
Dowladda Kenya ayaa sare uqaadday tacadiyada ay ku heyso dadka muslimiinta laga tirada badanyahay ee wadankaasi ku dhaqan, dowladda Kenya oo xiriir dhan walba ah laleh dowaladaha Reer Galbeedka iyo Yahuudda cilaaqaadkas oo ku dhisan ladagaallanka muslimiinta mandiqadda.
Kenya waxay leedahay kumanaan askari ashahaadda ladirir ah kuwaas oo sare uqaaday beegsiga ay ku hayaan dadka muslimiinta ah, dowladdan dhagar qabtada ah waxay dhaqaalaha ugu badan ku bixinaysaa waxa loogu yeero argagaxisada sida ay sheegayaan mas’uuliyinteeda.
Xadgudubyo ka dhan ah dumarka iyo culimada ayaa lagasoo sheegayaa gobolka xeebta Kenya, illaa iyo haddana wax war ah kamasoo bixin dowladda Kenya oo ku aaddan sababta keentay in howlgallo nuucaan ah ay fuliso.
About The Author
