Khasaare lixaad leh oo isugu jira dhimasho dhaawac iyo burbur hantiyeed oo aad u xooggan ayaa Yahuudda kasoo gaaray howlgal dagaal oo ay ku dhawaaqeen kooxaha wax iska caabinta Falastiiniyiinta, kuwaas oo kasoo billowday marinka Qazza, kuna sii fiday deegaanno kale.
Howlgalkan oo loogu magacdaray Duufaanta Al-aqsaa ama daadadka Al-aqsaa ayay kooxaha wax iska caabinta saaka aroornimadii hore ku beegsadeen Yahuudda lagu deegaameeyay dhulalka barakaysan ee Falastiin, gaar ahaan Qaza, howlgalkan ayaana ahaa mid aan horay looga soo diiwaan gelin Falastiin, waxay kooxaha wax iska caabinta Falastiin adeegsanayeen Taktik millatari oo cajiib ah, weerarka ayaana isugu jiray dhul cir iyo bad intuba.
Warbaahinta rasmiga ah ee Yahuudu waxay qirteen in weerarada kaga yimid dhanka kooxaha wax iska caabinta inta ay xaqiijiyeen looga dilay 22 xubnood oo Yahuud ah, halka looga dhaawacay 522 qof oo kale, wallow uu khasaaruhu aad uga badan yahay inta ay qiratay Yahuudda.
Cizzu-duun Qassaam oo ah garabka millatari ee Xarakada Xamaas ayaa ku dhawaaqay inay gacanta ku dhigeen tiro maxaabiis Yahuud ah oo isugu jira askar iyo mustowdhiniin xoog loogu deegaameeyay dhulalka muslimiinta, waxay na soo bandhigeen muuqaallada maxaabiista dagaal iyo baaxadda howlgalkan ballaaran.
Dhanka kale dadka Falastiiniyiinta ah ayaa markii ay iska dulqaadeen gumeystaha waxay billaabeen inay burburiyan xaydaabyada ay Yahuuddu ku kala goysay Qazza iyo deegaannada ku xeeran, waxaana halkaasi laga sii baacsaday firxadka Yahuudda, dhowr deegaan ayaa laga kiciyay Yahuudda, gaadiid iyo guryo badanna waa laga gubay.
Hoos Ka Daawo Dhinac Ka Mid Ah Jabkii Yahuudda.
About The Author
