Waxaa lasoo geba gebeeyay tirinta codadka doorashooyin ku sheeggii isbuucii lasoo dhaafay ka dhacay gobollada waqooyi galbeed dalka Soomaaliya ee loo yaqaan Somaliland.
Shir jaraa’id oo maanta barqadii uu Muuse Xasan Yuusuf guddoomiyaha guddiga doorashooyinka uu ku qabtay magaalada Hargeysa ayuu ku iclaamiyay in xisbiga mucaaradka ah ee Waddani uu ku guuleystay doorshadii dhowaan dhacday, waxaana la adkaaday Muuse Biixi Cabdi oo maamulka Ridada Somaliland hoggaaminayay todobadii sano ee lasoo dhaafay.
Cabdiraxmaan Cirro ayaa noqonaya madaxweynaha cusub ee maamulkan Ashahadda ladirirka ah sida ku cad natiijada kasoo baxday doorashadii dhacday.
Hoggaamiyaha cusub ee maamulka ashahaadda ladirirka ah ayaa helay wax kabadan afar boqol oo kun cod, halka Muuse Biixi uu helay 225 kun oo cod.
Dhanka Xisbiyada waxaa siyaasadda isaga haray Faysal Cali Waraabe oo madax u ahaa xisbiga Ucid.
Muuse Biixi ayaa ka tagaya xilka madaxtinimada maamulka Ridada Somaliland isagoo taariikh madoow leh kadib markii uu horraantii sanadkan dowladda xabashida Itoobiya usaxiixay qaadashada qeyb kamid ah badda soomaaliya gaar ahaan xeebaha gobolka Awdal.
Maamulka fadhigiisu yahay magaalada Hargeysa waxaa dhisay billaawgii sagaashameeyadii hoggaamiye kooxeedyo katirsanaa jabhaddii SNM ee dowladda Xabashida Itoobiya taageeraysay, wuxuuna maamulkani leeyahay taariikh xun oo dhanka ashahaadda ladirirnimada ah iyo gaala lashaqeynta ah.
Maamullada ashahadda ladirirrada ah Somaliland iyo Puntland waa maamulladii ugu horreeyay ee Xabashidu u adeegsan jirtay gummeynta shacabka soomaaliyeed ka hor intii aan ladhisin maamullada kale ee tirada badan ee hadda soomaaliya ka jira.
About The Author
