Warar faah faahsan ayaa laga helayaa dilal qorshaysan oo saacadihii lasoo dhaafay ka dhacay xaafado katirsan magaalada caasimadda ah ee Muqdisho.
Ciidamada Xarakada Mujaahidiinta Alshabaab ayaa xalay xaafadda Towfiiq ee degmada Yaaqshiid ku dilay sarkaal katirsanaa sirdoonka DF-ka gaar ahaan kuwa loo yaqaan dharcadka.
ilo wareedyo ayaa sheegaya in sarkaalka ladilay lagu magacaabi jiray Cagaweyne, weerar kale oo isna ka dhacay deegaanka Lafoole ee galbeedka Muqdisho ayaa sababay dhimashada sarkaal katirsanaa Nabad sugidda DF-ka.
Dhinaca kale ciidamada Shabaabul ayaa weeraro dhanka badda ah ku qaaday ciidamo katirsan DF-ka oo ku safray badweynta Hindiya.
Weerarka oo shalay dhacay ayaa lagu beegsaday laba doonyood xilli ay ku safrayeen biyaha deegaannada Gandershe iyo Jilib marka oo dhammaantood dhaca duleedka magaalada Marka.
About The Author
