Weerar istish-haadi ah oo uu fuliyay halyey ka tirsanaa guutada Istish-haadiyiinta xarakada Mujaahidiinta Al-shabaab ayaa galabta ka dhacday magaalada Gaalkacyo taas oo lagu beegsaday saraakiil ka tirsan kooxda Ridada Somalia.
Camaliyadda oo ahayd mid aad u xooggan jugteedana si wayn looga maqlay magaalada Gaalkacyo ayaa lagu beegsaday goob ay soo dhawayni ka socotay oo ay ku sugnaayeen saraakiil sar sare oo ka tirsan kooxda Ridada Somalia iyo kuwa maamulka Ridada ee la magac baxay Galmudug.
Saraakiil badan oo isugu jira kooxda Ridada murtad Farmaajo iyo kuwa maamulka Ridada ee Galmudug ayaa ku le’day camaliyadan barakaysan, waxaana xilliga ay camaliyaddu dhacaysay halkaasi ka socotay xaflad lagu soo dhawayn lahaa ra’iisul wasaaraha kooxda Ridada Somalia murtad Rooble.
Saraakiishii ku dhimatay weerarka waxaa kamid ah Jeneraal Qooje Dagaare oo ahaa taliya qeybta 21aad ee maleeshiyaadka kooxda Ridada wuxuuna madax u ahaa dhammaan maleeshiyaadka ku sugan gobollada dhexe.
Sidoo kale waxaa camaliyadda ku dhintay taliyihii maleeshiyaadka Danab ee Mareykanku tababaray qeybta gobollada dhexe kaasi oo lagu magacaabi jiray Gaashaanlle Mukhtaar.
Wararka ayaa intaas ku daraya in weerarkii galabta ay ku baxeen saraakiil iyo mas’uuliyiin sarsare oo katirsanaa maamulka isku magacaabay ‘ Galmudug’, sidoo kale Marsho Mire oo ahaa ku xigeenka taliyaha Danab iyo guddoomiyihii hore ee gobolka Mudug ayaa ka mid ah mas’uuliyiinta ku hoobtay weerarkii galabta.
La soco Macluumaadka Soo Kordha Insha’Allaah
Calamada.com
About The Author
