Wararka ka imaanaya gobolka Gedo, ayaa sheegaya in ciidamada xabashida Itoobiya ee ku sugan gobolka Gedo ay billaabeen dhaqdhaqaaqyo ciidan oo ka dhan ah kooxda Riddada Soomaaliya.
Ilo wareedyo deegaanka ah ayaa sheegaya in deegaannada dhaca xaduud beenaadka Itoobiya ay la wadaagto gobalkaas Gedo uu ka jiro dhaqdhaqaaq ay wadaan ciidamada Itoobiya ee aan ka midka aheyn howlgalka ashahaada la dirirka ah ee ATMIS, kuwaas oo la sheegay inay taageerayan dhinaca maamulka Axmed Madoobe.
Ilo wareedyo Itoobiyaan ah ayaa dhankooda sheegay in heegan sare la geliyay ciidamada xabashida ee ku sugan gobolka Gedo, ciidamada difaaca Itoobiya, gaar ahaanna cutubka 32-aad ee ciidamada lugta loo daabulay dhanka magaalada Doolow ee gumeysiga xabashida ku hoos jira.
Xogaha ayaa intaas ku daraya in qaar ka mid ah masuuliyiinta maamulka Ridada gobalka Gedo ugu magacaaban Axmed Madoobe la geeyey magaalada Godeey ee ka tirsan dhulka Soomaali-galbeed, waxay wararku tilmaameen in xubnahaasi lagu qaaday diyaarad khaas ah, halkaasi oo ay kulamo kula leeyihiin saraakiisha ciidanka Itoobiya, sida wararku sheegayaan.
Dhanka kale, xiisado colaadeed ayaa maanta ka taagan magaalada Raaskaambooni ee dhacda gobolka Jubbada hoose, halkaas oo ay isku hor fadhiyaan maleeshiyada kooxda Gurguurte iyo kuwa daacad u ah Axmed Madoobe.
Maamulka fadhigiisu yahay Kismaayo ayaa isagoo adeegsanaya doomo dheereeya oo dhanka badda maleeshiyo fara badan kusoo daabulaya aagga magaalada Raaskaambooni, waxaana mar walba la filan karaa isku dhac dhexmara labada maleeshiyo ee halkaas ku sugan.
About The Author
