Dagaallo xooggan oo u dhaxeeyay ciidamada millatariga xabashida Itoobiya ayaa ka dhacay deegaanka Feerfeer ee dhaca wilaayada Hiiraan, halkaas oo ay saldhigyo ciidan ku leeyihiin xabashida, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
Dadka deegaanka Feerfeer ayaa soo sheegaya inay maqlayeen jugta hugunka madaafiicda iyo hubka fudud ee ay isku adeegsanayeen labada dhinac, waxaana la xaqiijiyay in dagaalladaasi oo u dhaxeeyay ciidamada xabashida oo u kala jabay qowmiyado ay isaga dileen ku dhawaad 10 askari.
Inkastoo aan xog rasmi ah laga helin khasaaraha dhimasho haddana ilo wareedyo ku sugan deegaanka ayaa sheegay in khasaaraha dhimasho uu gaarayo ugu yaraan 7 askari oo dhimasho ah, wallow ay adagtahay in la helo numberka saxda ah maadaama ay Itoobiyaanku aad u qariyaan khasaaraha soo gaara.
Dagaalladan ka dhacay deegaanka Feerfeer ayaa kusoo beegmaya xilli millatariga Itoobiya iyo kuwa Axmaarada ay si wayn ugu loollamayaan maamulka waqooyiga Itoobiya, kaddib markii jabhadda Axmaaaradu ka biya diidday go’aan kasoo baxay xafiiska Abiy Axmed oo lagu diray Liyuu booliska ismaamullada Itoobiya, ciidankana lagu soo koobay oo kaliya kuwa Federaalka iyo Booliska.
About The Author
