Ciidamada dowladda Xabashida Itoobiya, ayaa weerar khasaare dhaliyay ku qaaday dad shacab Soomaaliyeed ah oo ku sugnaa mid ka mida deegaannada dhulka Soomaaligalbeed ee ku hoos jira gumeysiga xabashida.
Ilo wareedyo ayaa sheegaya in gaari ka baxay magaalada Jigjiga kuna sii jeeday degmada Wajaale uu weerar jidgal ah kala kulmay ciidamada Itoobiya ee loo yaqaan Finaas, sida ay sheegeen dad kabadbaaday weerarkan waxaa si xun ugu dhaawacmay illaa dhowr ruux oo qaarkood dhaawacoodu aad u daranyahay.
Ciidamada Xabashida ayaa gaariga rassaas ku bilaabay markii uu marayay halka loo yaqaan Goob Yareey, Muxiyadiin Muxumed Maxamuud oo ka mid ahaa rakaabkii gaariga ayaa si xun udhaawacmay waxayna xabaddu ka haleeshay dhabarka iyadoona xaalad koomka ah uu ku jiro.
Cali Muxumed Maxamuud oo ay walaala yihiin mid ka mida dhibanayaasha ay xabashidu dhibaataysay ayaa warbaahinta uga waramay sida ay wax udhaceen iyo xaaladda caafimaad ee dhaawacyada, ciidamada dhibkan geystay ayaa ah ciidanka loo yaqaan Finaas waxayna illaaliyaan xuduud beenaadyada.
About The Author
