Kaddib duqaymihii wuxuushnimo ee diyaaradaha dowladda Riddada ah ee Pakistan ku beegsadeen dadka rayidka ah ee Afghanistan, waxay ciidamada imaarada islaamiga ah qaadeen weeraro ballaaran oo ka dhan ah ciidanka xukuumadda fadhigeedu yahay Islaama-baad.
War kasoo baxay imaarada islaamiga ah ayaa lagu xaqiijiyay in ciidamada mujaahidiintu ay beegsadeen dhowr baro ciidan oo murtadiinta Pakistan ku leeyihiin xuduudka ay la wadaagto wilaayaadka Paktika iyo Khost.
Ilo wareedyo ayaa soo sheegay in weeraradu ahaayeen kuwa aad u culus oo saacado qaatay, 19 askari ayaa lasoo wariyay in laga dilay ciidanka Riddada Pakistan, kuwaas oo ka mid ahaa ciidanka ku sugan Khadka lagu magacaabo Durand.
Ilo wareedyadu waxay intaas ku dareen in ciidanka mujaahidiintu ay sidoo kale la wareegeen fariisimo kuyaal xuduudka u dhaxeeya Afghaanistaan iyo Pakistan, halkaas oo laga ceyrsaday ciidanka Islamabad.
Weeraradan ayaa lasoo wariyay inay horudhac u yihiin weeraro aargoosi ah oo ciidanka Imaaraada islaamiga ah kaga wajaabayaan duqaymo wuxuushnimo ah oo diyaaradaha dagaalka ee dowladda Ridada Pakistan ku dileen 50 xubnood oo isugu jira haween iyo carruur aan waxba galabsan oo reer Afghan ah.
About The Author
