Madaxa maamulka ashahaado-la-dirirka Somaliland, Cabdiraxmaan Maxamed Cabdullaahi (Cirro), ayaa shaaca ka qaaday inuu diyaar u yahay inuu dowladda Saliibiyadda Maraykanka uu siiyo saldhig millateri oo ay ka samaysto magaalo-marsada istaraatiijiga ah ee Berbera, iyo sidoo kale inuu ku wareejiyo macdanta qaaliga ah ee dalka.
Murtad Cirro, oo waraysi siiyey mid ka mid ah warbaahinta ugu saamaynta badan Maraykanka, ayaa sheegay in wada-hadallo ku saabsan iskaashiga amniga, dhaqaalaha, iyo la-dagaallanka waxa loogu yeero argagixisada uu la yeeshay mas’uuliyiin ka socotay safaaradda Maraykanka ee Soomaaliya iyo Wasaaradda Difaaca ee Pentagon-ka.
Warbaahinta Bloomberg, oo madaxa maamulkan riddada ah waraysatay Isniintii la soo dhaafay, ayaa sheegtay in Cirro uu xusay in safiirka Maraykanka ee Soomaaliya uu bilihii la soo dhaafay dhowr jeer booqday Somaliland, halka saraakiil ka tirsan Wasaaradda Difaaca Maraykankuna ay yimaadeen bishii Diseembar ee 2024.
“Haddii Maraykanku uu danaynayo inuu saldhig ka samaysto Somaliland, si diirran ayaanu u soo dhaweynaynaa,” ayuu yiri Murtad Cirro, isagoo u warramayay warbaahintan laga leeyahay dalka Maraykanka. Waxaanu intaa ku daray inay diyaar u yihiin in Maraykanka ay siiyaan kheyraadka dalka, sida macdanta qaaliga ah ee lithium-ka.
Murtad C/Raxmaan-Cirro waxa kale oo uu ka dhawaajiyey inuu dhawaan tegi doono Maraykanka, isagoo tilmaamay in heshiisyada cusub ee uu la gelayo maamulka Washington aysan wax shuruud ah ku xirnayn in Donland Trump uu aqoonsi rasmi ah siiyo Somaliland.
Mar ay warbaahintan Maraykanka ahi weydiisay suurtagalnimada saldhig millateri oo Washington ka samaysto Somaliland, ayuu Cirro yiri, “Weli arrimahaas waan ka wada hadlaynaa, waxaanan rajaynaynaa in wada-hadalladaasi ay mustaqbalka noqdaan kuwo midho-dhal ah.”
Warbaahinta Bloomberg waxay sheegtay in Somaliland ay ku taallo goob istaraatiiji ah, sidaas darteedna aqoonsigeedu uu xoojinayo saamaynta Maraykanka ee gobolkan, halkaas oo Xuutiyiinta Yemen ay bartilmaameedsadaan maraakiibta xiriirka la leh Yahuudda, Maraykanka, iyo dalalka kale ee taageersan xasuuqa lagu hayo muslimiinta Qaza.
Dhanka kale, Madaxa kooxda Villa Somaliya, Murtad Xasan Sheekh Maxamuud ayaa isna dhowr bilood ka hor warqad u diray Donald Trump, taasoo uu ku caddeeyay in uu diyaar u yahay in Maraykanka uu siiso goobo uu ka dhisto saldhigyo millateri, oo ay ka mid yihiin dekedaha Berbera, Boosaaso, iyo weliba saldhigga uu haatanba deggen yahay ee Balli-Doogle.
Xeeldheerayaal Carbeed, oo ay saacadihii la soo dhaafay afka furtay soona xigatay warbaahinta Ruushka ee Russia Today, ayaa si adag u naqdiyey dalabka ay Somaliland u fidisay Donald Trump, ee ah in Washington la siiyo saldhig millateri iyo heshiisyo dhinaca macdanta ah si maamulkaasi loogu aqoonsado dal madax-bannaan.
About The Author
