Marinka Gaza ee go’doonka ku jira waxaa ka soconaya duqaymo wuxuushnimo ah oo ay gaysanayaan diyaaradaha maamulka gumeystaha Yahuudda, kuwaas oo lagu beegsanayo dadka abriyada ah, sidaas oo ay tahayna wiilasheeda halganka adag kula jira xaaqidiinta waxay malaaxim adag kaga jiraan Marinkaas, iyagoo mid mid u tooganaya Taangiyadii Yahuudda.
Maanta oo kaliya waxaa dhacay isku dhacyo xooggan, illaa 10 gaadiidka dagaalka ah oo ay Taangiyo ku jiraan ayaa ciidanka Yahuudda looga gubay waqooyi galbeed marinka Gaza, sida ay shaaciyeen kooxaha wax iska caabinta Falastiiniyiinta.
Weeraro toos ah iyo madaafiic ayaa sidoo kale Yahuudda lagula eegtay dhowr aag, aagga mandiqadda Salaadiin ee dhacda galbeedka Bayt Lahiya waxaa gantaal nooca Al-yaasiin 105 oo ah mid lagu farsameeyay Falastiin lagu beegsaday ciidamo Yahuud ah oo isku dayay inay gudaha usoo galaan deegaankaasi, waxay kooxaha muqaawamadu halkaasi ku burburiyeen gaari Taangi ah oo lahaayeen ciidanka gumeystaha.
Muqaawamadu waxay shaaciyeen saacadihii u dambeeyay weerar iska caabin ah oo ay Yahuudda kula galeen waqooyiga Marinka Gaza ay ku dileen shan askari, sidoo kalena ku gubeen kuna burburiyeen 24 gaari oo isugu jira Taangiyada casriga ah iyo gaadiidka kale ee gaashaaman.
Hoos ka daawo muuqaal soo bandhigaya jabka Yahuudda oo ay sii daayeen kooxaha muqaawamada, kaas oo lagu daawan karo Taangiyada iyo gaadiidka kale ee Yahuudda oo Allaah fadligiis ku hoos burburaya gacmaha kooxaha wax iska caabinta Falastiiniyiinta.
About The Author
