Sheekh Aadan C/Raxmaan Warsame oo ku magacdheer (Sh. Aadan Sunne) ayaa muxaadaro maqal iyo muuqaal ah oo uu jeediyey isagoo ku sugan wilaayaatka Islaamiga ee ay maamusho Xarakada Shabaabul Mujaahidiin markii ugu horeysay si faahfaahsan uga hadlay sababaha keenay inuu kasoo haajiro magaalada Hargeysa kuna soo biiro Xarakada Shabaabul Mujaahidiin.
Muxaadaradan oo la daawan karo in ka badan 30 daqiiqo ayuu Sheekh Aadan Sunne uga hadlay xaalada ay ku sugan yihiin dadka kunool deegaanada uu ka taliyo maamulka Somaliland iyo halka uu maamulka ka jira deegaanadaas ka taagan yahay shareecada Islaamka.
Wuxuu aad uga hadlay dhibaatada lagu hayo ducaadda faafiya diinta Islaamka ee ku sugan Hargeysa iyo deegaanada Waqooyi, iyo weliba kororka hay’adaha dadka gaaleysiiya ee ku sii lixaadsanaya halkaas iyagoo weliba taageero buuxda ka helaya maamulka Somaliland.
Muxaadaradan wuxuu sidoo kale Sheekhu uga hadlay wixii ku arkay wilaayaatka Islaamiga ee ay ka taliso Xarakada Mujaahidiinta Al-Shabaab iyo farqiga u dhexeeya deegaanada uu ka taliyo maamulka Somaliland iyo deegaanada ay ka taliso Xarakada Mujaahidiinta Al-Shabaab.
Ugu dambeyntii Wuxuu fariimo muhiim ah u jeediyey culimada iyo guud ahaan dadka Muslimiinta ee kunool deegaanada waqooyi.
About The Author
