Afhayeenka Xarakada Mujaahidiinta Al-Shabaab, Sheekh Cali Maxamuud Raage (Sh/Cali Dheere) ayaa qeybta 2-aad wareysi uu siiyay warbaahinta Islaamiga ah ee Al-furqaan uga hadlay qodobbo dhowr ah oo ay ka mid yihiin waxa mujaahidiinta uga qorsheysan duullaanka Itoobiya isagoo dhanka kale farriimo muhiim ah u diray ummadda Soomaaliyeed.
Marka hore waxa uu sheekhu ka hadlay qorshaha uga daggan istaraatiijiyadda uu Mareykanku qaatay ee ah in uu Itoobiya waddanka kusoo celiyo si dhulka iyo badaha dalka loo makaniyo, loona burburiyo ku dhaqanka shareecada Islaamka.
“Al-Shabaab waa xarako islaami ah, jihaadi ah. Marsdarka ay wax ka qaadato ama towjiiha waa shareecada Ilaahey subxaanahu watacaalaa oo ah Kitaabka iyo Suunnada, Ilaaheyna gaalo saan isaga difaaci lahayn isagaa inoo sheegay oo kitaabka ayay ku sharaxantahay, khaasatan gaaladan hadda inagu duullaanka ah ee Itoobiya nusuustey ku cadahay sidaan iska yeeleyno, Allaah wuxuu leeyahay – la dagaalama gaalada kuwa waliba idiin xiga ee dhibka idinku haya ama idiinkugu daran cadawtooyada- annagu marka waxa tabarteena ah cadawgaas insha’allaah tacaalaa, qorshaha koowaad ee aan leenahay waa inaan la dagaalanno” ayuu yiri Sheekh Cali Dheere.
Sheekh Cali ayaa sheegay in xabashidu yihiin dad aad u liita dhaqan ahaan kuna sifeysan iney si daran u gumeeyaan ciday ka il helaan amase u hogata, wuxuuna arrintan ku tusaaleeyay 2 qiso oo aad u xanuun badan oo uu kusoo bandhigay wareysiga.
Sidoo kale wuxuu Xabashida ku tilmaamay Aboor gaajeysan oo wax uu dhaafayaahi aysan jirin, tusaalayaasha uu usoo qaatay waxaa kamid ah in 2006 iyo 2007 joodariyaashii iyo miisaskii ay ka bililiqeysteen Muqdisho ay geeyeen Adisababa. Mar haddey sidaa tahay wuxuu ummadda Soomaaliyeed ugu baaqay iney Alle darti isaga dhiciyaan cadawgaasi hororka ah, haddii aysan Alle darti ula dagaalameynna ay naftooda iyo maalkooda ka difaacdaan.
Ugu dambeyntii wuxuu si gaar ah ula hadlay dadka jecel in Alle diintiisa lagu dhaqmo. “dadka jecel in Ilaahey shareecadiisa lagu dhaqmo, in kitaabka Ilaahey la xukmiyo, in dadka muslimiinta ah ay cizi helaan, dadka jeceloo dhan waxaan leenahay insha’allaahu tacaalaa, ninki jihaadka soo shaarigi karana (kasoo qeyb gali karana) hasoo shaariko (hakasoo qeyb galo) ninki aan soo shaarigi karin ee ay tabari heyso ama waayeela ama dumara waxaan leenahay, ducada nagu soo kaalmeeya, meeshiina kasoo dagaalama, ducada nagu soo kaalmeeya, in cadawga hororka ah ee diinteena, dadkeena iyo dalkeena u socda in Ilaahey subxaanahu watacaalaa uu naga guul siiyo oo Ilaahey jabsho, waxaan leenahay noo soo duceeya” ayuu yiri Sheekh Cali Dheere.
Itoobiya ayaa ah cadaw guun ah oo ay Soomaalida oo dhan garanayaan. Sannadkii 2006-dii markii ay kusoo duushay wadanka waxaa fadhiga ka kacay dhallinyaro badan oo sufuufta jihaadka biiriyay xilli ay waliba kala daadsanaan badan jirtay, waxaana uu Alle halgankooda ku suura galiyay in Xabashidu ka cararto wadanka, waxaana la odrosayaa hadda oo uu jiro nidaam isku dubaridan in ay halganka kusoo biiri doonaan dad badan si ay diintooda, dadkooda iyo dalkooda uga difaacdaan Xabashida xuunshada ah.
Xigasho Radio Al-furqaan.
Halkan Ka Daawi Qeybta 2-aad Ee Wareysiga.
About The Author
