Dab khasaare xooggan gaystay ayaa saacadihii lasoo dhaafay ka kacay kaalin Shidaal iyo Geerish kuyaal gudaha magaalada Garowe ee xarunta gobolka Nugaal ee waqooyi bari Soomaaliya.
Dabka ayaa si gaar ah uga kacay geerish gaadiidka lagu dayactiro iyo sidoo kale kaalin shidaal oo lagu magacaabo 3CC oo kutaal magaalada Garoowe, khasaare hantiyeed oo xooggan ayaa lasoo wariyay in uu dabkaasi ka dhashay.
Ma jiro khasaare dhimasho ah oo ka dhashay dhacdadaan oo habeenkii xalay laga soo tabiyay kaalinta shidaal ee magaalada Garoowe, waxaase lasoo wariyay in uu dhaawac soo gaaray mid ka mid ah waardiyeyaasha kaalinta uu dabku qabsaday.
Waxaa warbaahinta la hadlay qaar ka mid ah dadkii ku hanti beelay dabkaasi iyo sidoo kale dadkii goob-joogga u ahaa dhacdadaasi, waxayna ka warbixiyeen sida dabku ku bilowday iyo khasaaraha ka dhashay.
Halkan Ka Dhagayso Codadka Goobjoogeyaasha.
About The Author
