Dadka reer Muqdishoo ee dhul-boobka kala kulmay kooxda Riddada Somalia ayaa maanta markale qaaday tallaab ka dhan ah dhul-boobka iyo barakicinta ay caasimadda ka waddo kooxda Riddada ee uu Gurguurte hoggaamiyo.
Bulshada ku dhaqan xaafadda Siinaay, degmada Wardhiigleey ee magaalada Muqdisho, gaar ahaan dadkii dhowaan kooxda Riddadu barakicinta iyo dhul-boobka isugu dartay ayaa fiiqday darbi jiingad ka sameysan oo murtadiintu ku wareejiyeen dhulalkii ay boobeen.
Muuqaallo lagu faafiyay baraha bulshada, ayaa muujinayay dad carayesan oo fiiqanaya jiingado maleeshiyaadka murtadiinta ah ku wareejiyeen dhulalkii ay dhowaan ka barakiciyeen dadka shacabka ah ee kuyaal xaafadda Siinaay.
Tallaabadan ayaa qayb ka ah tallaabooyinka ay dadka deegaanku kaga hortagayaan dhul-boobka xargaha goostay ee madaxda murtadiintu ka wadaan magaalada Muqdisho iyo duleedkeeda.
Waxay magaalada caasimadda Muqdisho, horay u marti-gelisay isku dhacyo hubeysan oo u dhaxeeyay dadka deegaanka ee difaacaya dhulka danta-guud iyo kuwa sida gaarka ah loo leeyahay iyo maleeshiyada Riddada ah ee dhul-boobka loo soo hubeeyay, mashruucaan dhul-boob ayaa noqday midka ugu hadal-haynta badan caasimadda tan iyo markii uu Villa Somalia dib ugu soo laabtay murtad Xassan Gurguurte.
About The Author
