Dagaal culus oo u dhaxeeyay laba maleeshiyo oo kala taabacsan murtad Cabdicasiis Laftagareen oo ah madaxa maamulka ashahaada la dirirka Koonfur-galbeed iyo kuwa mucaaradsan ee kasoo horjeeda ayaa maanta ka dhacay afaafka hore ee degmada Bardaale ee gobolka Baay.
Dagaalka oo ahaa mid culus ayaa lasoo wariyay in la isku adeegsaday hubka noocyadiisa kala duwan, waxaana soo baxaya warar kala duwan oo ku aaddan sida dagaalku ku billowday iyo khasaaraha ka dhashay.
Inkastoo aan si rasmi ah loo sheegin khasaaraha dagaalkan ka dhashay haddana, waxaa lasoo warinayaa in uu jiro khasaare soo kala gaaray labada maleeshiyo ee dagaallamay.
Maleeshiyaadka ay dagaallameen kuwa Laftagareen ayaa ah kuwa kasoo horjeeda siyaasadda murtad Laftagareen, waxayna dhowr jeer weeraro saraakiil iyo askar lagu dilay ku qaadeen Bardaale ee gobolka Baay.
Iska hor’imaad ka dhacay degmada Bardaale ee labada dhinac dhex-maray waxay isaga dileen saraakiil muhiim u ahaa labada dhinac, mid ka mid ah weeraradaas ayaa dhacay bishii Juun 2024-kii, mucaaradka ayaana weerarkaas ku dilay taliyihii booliiska maamulka Laftagareen ugu magacownaa degmadaas Caliyow Booroow iyo askar kale, halka weerar kale oo ka dhacay bishii Agoosto ee isla sannadkii 2024-kiina lagu dilay sarkaal la oran jiray Xuseen BKM, oo haystay maleeshiyaadka mucaaradsan maamulka fadhigiisu yahay Baydhaba.
About The Author
