Wararka ka imaanaya gobolka Hiiraan ayaa sheegaya in markale weeraro xooggan ay la kulmeen ciidamada Jabuuti ee magaca AMISOM ku jooga degmooyin ka tirsan gobolkaas.
Xalay saqdii dhexe ayay ciidamada Al Shabaab weeraro ku mireen saldhigyada ciidamada Jabuuti ay ku leeyihiin galbeedka degmada Jalalaqsi, daryanka rasaasta iyo madaafiic lays dhaafsanayay ayaa xalay laga maqlay gudaha degmadaasi.
Dhinaca kale weerar dhabagal ah ayay lakulmeen maleeshiyaad katirsan maamulka Hirshabelle xilli ay ku socdaalayeen wadada xiriirisa degmooyinka Maxaas iyo Buula Barde ee gobolka Hiiraan bartamaha Soomaaliya.
Sidoo kale weeraro xooggan ayaa xalay lagu qaaday maleeshiyaadka Bangaraafta loo yaqaan ee saldhigga ku leh deegaanka Sabiid ee duleedka degmada Afgooye ee Shabeellaha Hoose.
About The Author
