Ciidamada Xarakada Mujaahidiinta Alshabaab waxey dagaal culus ku qaadeen saldhig iyo fariisimo ciidamada Kufaarta Burundi ay ka sameysteen deegaanka Cali Fooldheere oo ah deegaan ku dhawaad 10-KM u jira degmada Mahadaay ee isla wilaayada Shabeelada dhexe.
Dagaalkan waxaa la isku adeegsaday hubka noocyadiisa kala duwan,iyadoona dhawaaqa rasaasta dagaalka si aad ah looga maqlayay degmooyin iyo deegaano ka tirsan Wilaayada Shabeelada dhexe.
Intii dagaalka uu socday waxey ciidamada Mujaahidiinta Garneelada Garbaha laga rido ku dhufteen Saldhigii ciidamada Kufaarta Burundi ee deegaanka waxaa saldhiga ka kacay dab xoogan iyadoona Holaca ka baxay saldhiga laga arkayay goobo ka baxsan deegaanka Cali Fooldheere waxeyna taasi muujineysaa in askarta Burundi dagaalkaasi lagu gaarsiiyay Khasaara Nafeet iyo Mid hantiyadeed.
Dagaalkan ka dhacay deegaanka Cali Fooldheere ee duleedka degmada Mahadaay waxa uu kusoo aadayaa xilli saacadihii lasoo dhaafay ciidamada Shabaabul Mujaahidiin dagaal kula wareegeen deegaanka Qalomow oo ah deegaan dhaca wadada isku xirta degmooyinka Balcad iyo Jowhar oo ka wada tirsan gobalka Shabeelada dhexe.
Calamada.com
About The Author
