Dagaal culus oo u dhaxeeya maleeshiyada maamulka ashahaada la dirirka Jubbaland iyo kuwa kooxda Riddada ee uu hoggaamiyo murtad Gurguurte ayaa ka socda degmada Beledxaawo ee gobolka Gedo, waxaana xaafadaha magaalada si wayn looga maqlayaa deryanka hubka culus iyo jabaqda dagaalka la isku adeegsanayo.
Dagaalka ayaa yimid kaddib markii murtad Cabdirashiid Janan oo kooxda Riddadu dhowaan u magacowday taliyaha NISA ee gobolka Gedo uu kasoo degay saldhigga millatariga murtadiinta ku leeyihiin degmadaasi oo lagu magacaabo UK, sida ay sheegeen ilo wareedyo ku sugan gobolkaasi.
Iska hor’imaadka u dhaxeeya labada maleeshiyo ayaa la sheegayaa in uu gaystay khasaare kala duwan, wararka qaar ayaa sheegaya in maleeshiyada Axmed Madoobe ku gacan sarreeyaan dagaalka socda, waxaana dagaalka uu barqadii maanta ka qarxay xarunta degmada iyo xarunta immigration-ka ee degmadaasi.
Waxaa lagu soo waramayaa in dadka degaanku durba billaabeen inay ka barakacaan degmada Beledxaawo, waxayna qaar ka mid ah bulshada magaaladaasi u tallaabeen dhanka xigta magaalada Mandheera ee dhulka NFD ee ay Kenya gumeysato.
La soco wixii soo kordha insha’Allaah.
About The Author
