Waxaa maalintii labaad si toos ah u billowday dagaalka dib uga qarxay magaalada Laascaanood ee xarunta gobolka Sool, kaasi oo u dhaxeeya dadka deegaanka iyo maleeshiyaadka maamulka ashahaada la dirirka ah ee Somaliland.
Ilo wareedyo ku sugan magaalada ayaa soo sheegay in dagaalka uu xooggiisa ka socdo duleedka magaalada, waxaa dhanka kale socda madaafiicda xooggan ee ay adeegsanayaan maleeshiyaadka maamulka ashahaada la dirirka ah ee isku magacaabay Somaliland.
Dadka deegaanka ayaa guulo ka sheegtay dagaalka saaka dib uga qarxay magaalada, muuqaallo ay faafiyeen ayay ku sheegeen inay maleeshiyaadka ashahaada la dirirka ah ee Somaliland kala wareegeen Hotel Xamdi oo ka mid ahaa fariisimaha maleeshiyaadka maamulka Riddada ah ee fadhigiisu yahay Hargaysa.
Khasaaraha ugu badan ee dagaalladan waxaa lasoo wariyay inay gaareen dadka rayidka ah kuwaas oo dhimashada ay gaartay inka badan 30 qof oo badi ku leday hoobiyeyaasha ay adeegsanayaan maamulka Riddada ah ee Somaliland, halka dhanka maleeshiyaadka maamulka Muuse Biixina uu khasaare badan oo dhimasho ah soo gaaray, saraakiil iyo askar badan ayaana lasoo wariyay in dagaallada dib u billowday looga dilay, wallow tirakoob rasmi ah la helin.
About The Author
