Kaddib kulamo qaatay muddo maalmo ah oo toddobaadkaan ka socday magaallada Sharma Sheekh ee waddanka Masar, ayaa ugu dambeyn waxaa saacadihii lasoo dhaafay lagu gaaray heshiis xabad-joojineed oo dariiqa u xaaraya in lasoo gabagabeeyo dagaalka Gaza.
Madaxweynaha Maraykanka, Doland Trump, ayaa ku dhawaaqay in aya wadahadallada ay guulaysteen si rasmi ahna uu heshiisku u dhacay, iyadoo dhinacyada heshiiska garwadeenka ahaa ay balanqaadeen in aysan Yahuuddu jabin doonin sida uu sheegay sarkaal ka tirsan muqaawamada.
Duhurnimada maanta ayaa balanku ahaa in uu dhaqangalo, waxaana xoogaa dagganaasho ah laga dareemayaa qidaaca, talafashinka 1-aad ee Sahaayinada ayaa ku waramaya in ay u egtahay in xabad-joojintu ay hirgashay.
Kooxaha Muqaawamada ayaa maalmaha Axadda iyo Isniinta lagu wadaa in ay sii daayaan 20 maxbuus oo nool oo ka mid ahaa maxaabiistii cadowga looga soo qabtay dagaalkii toddobada Oktoobar.
Sidoo kale isla maanta ayaa lagu wadaa in boqollaal ka mid ah gaadiidka gurmadka wada uu qidaaca soo galo, kaasoo gurmad deg deg ah lagu gaarsiinayo shacabka reer Gaza.
Marxaladdan ayaa ah midda koowaad, iyadoo markii maxaabiista lasii daayo ay xigto in ciidanka yahuudda ay gabi ahaanba ay banneeyaan qidaaca, sahaayinada ayaana dhankooda maalmaha soo socda sii deyn doona boqollaal ka mid ah maxaabiista Filistiiniyiinta.
About The Author
