Wararka ka imaanaya gobolka Sool ee dhaca waqooyiga waddanka Soomaaliya ayaa sheegaya in markale ay dib usoo cosboonaadeen, dagaallada u dhaxeeya maleeshiyaadka maamullada ashahaada la dirirka ah ee isku magacaabay Somaliland iyo kuwa isugu yeera SSC, halkaas oo ay askar isaga dileen labada dhinac.
Ilo wareedyo deegaanka ah ayaa ku waramaya in dagaallada ay si gaar ah uga dhaceen deegaan lagu magacaabo Buq-dharkeyn oo dhanka galbeed ka xiga magaalada Laascaanood ee gobolka Sool, waxaana halkaasi ka dhacay dagaal culus oo u dhaxeeyay labada dhinac.
Dagaalkan waxaa lasoo wariyay in labada maleeshiyo ay isaga dileen 7 askari oo labada dhinac ah, waxaa sidoo lasoo waribayaa in gaadiid dagaal iyo askar nool nool ay dhinacyadu isaga qabsadeen dagaallada, wallow aan xog rasmi ah la helin.
Goobjoogeyaal ayaa soo sheegay in dagaallada dib usoo cosboonaaday ay soo qaadeen maleeshiyaadka maamulka ashahaada la dirirka ah ee isku magacaabay Somaliland, labada dhinac waxaa soo kala gaarayay gurmadyo, xaaladda dagaal ayaa ilaa imika ka taagan goobihii lagu dagaallamay.
About The Author
