Dagaallo culus oo ilaa afar jeer lagu jebiyay maleeshiyaadka murtadiinta ayaa maanta markale ka dhacay agagaarka deegaanka Baarka ee dhaca duleedka magaalada Kismaayo ee wilaayada Jubbada hoose, halkaas oo khasaare kala duwan lagu gaarsiiyay murtadiinta.
Ilo wareedyo xog-ogaal ah oo aanu helnay ayaa xaqiijinaya in dagaallada tooska ah ee maanta dhacay ay sidoo kale barbar socdeen howlgallo isugu jiray qarax iyo duqayn, kuwaas oo maleeshiyada murtadiinta lagula beegsaday isla agagaarka deegaanka Baarka.
Dagaallada tooska ah, qaraxa iyo duqaynta waxaa ka dhashay khasaare kala duwan oo maleeshiyaadka murtadiinta soo gaaray, waxaana xusid mudan in maleeshiyaad murtadiin ah oo dhimasho iyo dhaawac ah ay cadowga geeyeen magaalada Kismaayo.
Waxaa sidoo kale la xaqiijiyay in gaari noociisu yahay Cabdi bile oo uu qaraxa mujaahidiinta haleelay burbur xoog lehna uu gaaray ay goobta dagaalka ka jiiteen maleeshiyada Riddada ee maanta lagu jebiyay dagaallada ka dhacay nawaaxiga deegaanka Baarka ee duleedka Kismaayo.
About The Author
