Wararka ka imaanaya dalka Zambia ayaa sheegaya in darawal Soomaali ah oo ka howlgalayay dalka Zambia uu ku nafwaayay shil baabuur oo saacadihii lasoo dhaafay ka dhacay gudaha dalkaasi.
Shilkan baabuur ayaa yimid markii baabuur uu lahaa ninka Soomaaliyeed uu kusoo duldhacay baabuur kale, taasi oo keentay in uu goobta ku nafwaayo qofka kasoo jeeda Soomaaliya.
Mid ka mid ah dadka ku sugan waddanka Zambia, si gaar ahna uga mid ah ehellada ninka dhintay ayaa baraha bulshada ku faafiyay muuqaal kooban oo uu kusoo bandhigayo sida uu shilku u dhacay.
Wuxuu ninkan caddeeyay in ninkan Soomaaliyeed uu shilka la kulmay xilli uu hoos jiifay gaarigiisa, wuxuu sheegay in gaari kale oo waddada marayay uu kasoo dhacay dalcad dheer oo lagu magacaabo Dhanjey, ugu dambaynna ku yimid halka uu yiillay baabuurka uu watay dareewalka Soomaalida ah.
Ninka dhintay ayaa la oran jiray Cali Bashiir, wuxuuna ka mid ahaa dadka Soomaaliyeed ee ka shaqaysta waddanka Zambia, waxay tani qayb ka tahay dhibaatooyinka ay la kulmaan gaadiidleyda Soomaaliyeed ee ka howlgala waddamada dibadda.
About The Author
