Guutooyinka qaraxyada Mujaahidiinta Al-shabaab ee ka howlgala buuralayda Goolis ayaa qarax xooggan la eegtay masuul ka tirsan maamulka ashahaada la dirirka ah ee Puntland.
Qaraxa oo ahaa mid xooggan ayaa ka dhacay agagaarka deegaanka Af-urur oo qiyaastii 100 Km koonfur galbeed kaga beegan magaalada Boosaaso ee xarunta gobolka Bari.
Qaraxa oo ujeedkiisu ahaa in lagu khaarajiyo Cabdisamad Gallan oo ah wasiirka amniga maamulka Puntland ayuu si dirqi ah kaga badbaaday qaraxa.
Ilo wareedyo lagu kalsoon yahay ayaa xaqiijinaya in qaraxaas uu haleelay kolonyada, waxaana lasoo wariyay khasaare dhimasho iyo mid dhaawac oo qaraxa ka dhashay.
Inta la ogyahay waxaa qaraxa ku dhintay hal askari oo ka mid ahaa ilaalada wasiirka la beegsaday iyo dhaawaca 3 kale oo iyana ka mid ah ilaalada Gallan.
Isku daygan uu ka badbaaday wasiirka Amniga maamulka isku magacaabay Puntland ayaa kusoo beegmaya xilli ay sii kordheen howlgallada jihaadiga ee ay Shabaabul Mujaahidiin ka fulinayaan gobolka Bari.
Dhowaan ayay ahayd markii madaafiic xooggan ay Mujaahidiintu ku garaaceen saldhigga maleeshiyaadka maamulka Puntland ay ka samaysteen deegaanka Galgala ee gobolka Bari, kaas oo ay dhimasho iyo dhaawac ku noqdeen askar badan laguna gubay gaari BG ah.
Calamada.com
About The Author
