Ciidamo ka tirsan shisheeyaha gaar haan kuwa Yugandha waxay xasuuq bahalnimo ah kala duldhaceen dad rayid ah oo ku sugnaa deegaan dhaca duleedka degmada Buula-mareer ee wilaaayda shabeellada hoose.
Wararka laga helayo deegaanka Golweyn waxay sheegayaan in ciidamada saliibiyiinta Yugaandha ay weerar ku qaadeen dhul beereed kuyaal nawaaxiga Buula-mareer ayna soo qabqabteen 5 ruux oo isugu jiray beer qodate iyo dadka degaanka.
Ilo wareedyo maxalli ah waxay sheegayaan in dadka la laayay oo ka koobnaa 7 xubnood 2 ka mid ah ay wade ka ahaayeen gaadiid ku safrayay inta u dhaxaysa degmada Buula-mareer iyo Golweyn, ciidamada duullaanka ah ayaana hal goob ku wada dilay dadka rayidka ah.
Halkan Ka Dhagayso Ehellada Oo Warbixinaya Xasuuq Uganda.
Maamulka dowladda Ridada ugu magacaaban gobolka Sh/hoose waxa uu dhankiisa ka warbixiyay dhacdadan xasuuqa ah ee ay saaxiibadood u gaysteen dadka biramagaydada ah.
Guddoomiyaha maamulka Ridada ugu magacaaban deegaanka Shalaanbood murtadka lagu magacaabo Nuur Cismaan Raage oo la hadlayay warbaahinta waxa uu sheegay in ciidamada ay carra tuurka u yihiin ee kuffaarta Yugandha ay xasuuq bahalnimo ah u gaysteen 7 ruux oo ahaa shacab aanu waxba galabsan.
Halkan Ka Dhagayso Codka Guddoomiyaha Shalaanbood.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
