Kalluumeysatada ka jillaabta xeebaha gobolka Nugaal, ayaa cabasho iyo qaylo dhaan ka muujiyay xaaluf ba’an oo ay xeebaha gobolkaasi ku hayaan maraakiibta gaalada ee usoo shidaal qaatay boobka khayraadka umadda muslimka ah ee Soomaaliyeed.
Cabashadaan waxay si gaar ah uga timid kalluumeysatada ka jillaabta xeebaha ku dherersan degmada Eyl ee gobolka Nugaal, Waxay kalluumeysatadu soo bandhigeen muuqaalka markab shisheeye oo dhibaato ba’an ku haya xeebaha gobolka.
Mid ka mida dadka ka jillaabta xeebaha deegaanka Maraye oo hoos taga degmada Eeyl oo ka hadlayay dhibaatada ay deegaanka ku hayaan maraakiibta jariifka ah ee gaalada, ayaa sheegay in marka laga soo tago xaalufka ay maraakiibta shisheeye ku hayaan xeebaha deegaanka, ay markan gaareen heer ay rassaas la dhacaan dadka deegaanka ee ka kalluumeyta xeebaha.
Waayadii dambe waxaa aad usii xoogaysanayay dhibaatada ay maraakiibta gaalada ku hayaan Kalluumeysatada Soomaaliyeed, Xeebaha gobolka Nugaal ayaana ka mida goobaha ay sida xowliga ah xaalufka uga gaystaan maraakiibta gaalada, ee usoo shidaal qaatay boobka khayraadka umadda Soomaaliyeed.
Halkan ka dhagayso cabashada Kalluumeysatada.
About The Author
