Maxkamadda wilaayada islaamiga Bay iyo Bakool waxay xukun xad dil qisaas ah ku fulisay nin lagu magacaabi jiray Shiikh Mad Caliyow Isxaaq oo horay deegaan hoos taga magaalada Baydhaba ugu dilay saddex qof oo muslimiin ah.
Shiikh Mad Caliyow Isxaaq oo da’diisu ahayd (42)- sanno jir waxaa lagu soo eedeeyay in uu si bareer ah deegaan lagu magacaabo Adeegow oo hoos taga magaalada Baydhaba ugu dilay 3 qof oo muslimiin ah waxaana maxkamadda islaamiga ah usoo dacwad tagay ehellada dadka la laayay.
Maxkamaddu waxay sheegtay in ehellada 2 ka mid ah dadkii uu dilay Mad Caliyow ay doorbideen in ay diyo ku cafiyaan eedaysanaha halka ehellada midka 3-aad na ay codsadeen in loo qisaaso taas oo ugu dambayn keentay in maxkamadda isalamiga ah ay xukun dil qisaas ah ku riddo eedaysanaha.
Dadweyne aad u fara badan ayaa soo xaadiray fagaaraha uu xadku ka dhacayay oo kuyaal degmada Buula-fulaay ee wilaayada islaamiga Bay iyo Bakool mid ka mid ah quddaada Mujaahidiinta ayaana goobta fagaaraha kaga dhawaaqay xukunka.
Halkan Ka Dhagayso Warbixin Ku Aadan Faahfaahinta Xadka Qisaaska ah.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
