Bulshada muslimka ah ee ku dhaqan magaalada Buulo-mareer ee wilaayada Sh/hoose ayaa maanta dhigay isku soo bax ballaaran oo ay kusoo dhawaynayeen ciidamada mujaahidiinta ee shalay Allaah fadligii duullaan wayn oo qayb ka ah malaaximta bariga Africa ku xoreeyay magaaladaasi Buulo-mareer oo 9 sanno ku hoos jirtay gumeysiga saliibiyadda Yugaandha.
Isku soo baxa ballaaran ee maanta ka dhacay magaalada Buulo-mareer waxa uu ahaa mid aan loo kala harin carruur iyo cirroole intuba kuwaas oo si wadajir ah uga qayb qaadanayay debaal-degga soo dhawaynta ah ee ay shacabka usoo sameeyeen ciidanka mujaahidiinta, waxayna bulshada reer Buulo-mareer halkaasi ka muujiyeen sida ay ugu farxeen guusha wayn ee uu Allaah subxaanahu watacaalaa ku xaqiijiyay gacanta addoomadiisa mujaahidiinta ah ka dib markii ay cagta mariyeen soona afjareen ciidamada kuffaarta Yugaandha ee ku sugnaa magaaladaas.
Goobjoogeyaal ku sugan magaalada kana qayb galay isku soo baxii lagu soo dhawaynayay maamulka islaamiga ah ee wilaayada Sh/hoose ayaa caawa idaacadda Al-andalus uga warbixiyay isku soo bixii ka dhacay magaalada. waxayna sidoo kale sheegeen in rer Buulo-mareer uu 9 sanno ka dib u baryay waa cusub, Allaah na uu waafajiyay inay dib u helaan nuurka shareecada islaamka ka dib howlgalkii mujaahidiinta.
Halkan Ka Dhagayso Waraysiyada Dadweynaha Buulo-mareer.
About The Author
