Inta la xaqiijiyay ilaa iyo Labo ruux oo Somali ah ayeey saacadihii lasoo dhaafay Kooxaha Burcad Konfur Afrikanta ah dil iyo dhaawac ugu geysteen qeybo ka mid ah magaalada Cape Town ee dalkaasi.
Labadan ruux oo ka mid ah ganacasatada Somalida ee ku sugan dalka Konfur Afrika ee dhimashada iyo dhaawaca loo geystay ayaa lagu kala magacaabaa Abdullahi Mohamoud Mohamed oo ah midka la dilay iyo Muxamed Dheere oo isagana dhaawac culus ayaa soo gaaray.
Dilkan iyo dhaawaca loo geystay Labadan ruux ee Somalida ah ayaa qeyb ka ah dhibaatooynka joogtada ah ee Kooxaha Burcad Konfur Afrikanta ah ay ku hayaan dadka Somaliada ah ee ku nool dalkaasi,waxaana dilalka iyo dhaawaca barbar socda Boob joogta ah oo kooxahaasi Burcadda ah ay u geystaan goobaha ganacsiga ee Somalida ay ku leeyihiin dalkaasi.
Bishii lasoo dhaafay ee Ramadaan ayaa la sheegay in ku dhawaad 20 qofood oo Soomaali ah, una badan ganacsato, lagu dilay wadanka Koonfur Afrika.
Weerarada ugu badan ee lala beegsado dadka Ganacsatada Soomaalida ah ayaa ka dhaca xaafada dadka fuqarada ah ay deganyihiin ee wadanka Koonfur Afrika, halkaas oo la sheegay inay ku yaallaan inta badan goobaha ganacsiga Soomaalda.
Dadka Soomaaliyeed ayaa ku eedeeyay ciidamada nabadgelyada u xilsaaran ee Koonfur Afrika inay waxba ka qabanin weerarada joogtada ee loo geysto naftooda iyo hantidooda, iyadoona mararka qaar ay dhacda in ciidamadaas ay qayb ka noqdaan bililiqada loo geysano goobaha ganacsiga Soomaalida.
About The Author
